HENAHasan

entertainment/literature/blogs
 
HomeHome  PortalPortal  FAQFAQ  SearchSearch  RegisterRegister  MemberlistMemberlist  UsergroupsUsergroups  Log in  

Share | 
 

  sahir saab ka kalaam hai urdu par

View previous topic View next topic Go down 
AuthorMessage
Admin
Admin
Admin


Number of posts : 3848
Location : Brampton, Canada
Registration date : 2007-08-29

PostSubject: sahir saab ka kalaam hai urdu par   Thu 31 Aug 2017, 10:23 pm

Ikkiis baras guzre, aazaadii-i- kaamil ko
tab jaa ke kahiiN ham ko Ghalib kaa Khayaal aayaa
turbat hai kahaaN us kii maskan thaa kahaN uskaa
ab apne suKhan-parvar zihanoN meN savaal aayaa

sau saal se jo turbat chaadar ko tarsatii thii
ab us pih 'aqiidat ke phooloN kii numaaish hai
Urduu ke t'aaluq se kucch bhed nahiiN khultaa
yih jashn yih hangaamah, Khidmat hai kih saazish hai

jin shahroN meN guuNjii thii Ghalib kii navaa barsoN
un shahroN meN ab Urduu be-naam-o-nishaaN Thehrii
aazaadii-i-kaamil kaa i'laan huaa jis din
ma'tuub zabaaN Thehrii, Ghaddaar zabaaN Thehrii

jis 'ahd-i-siyaasat ne yih zindah zabaaN kuchlii
us 'ahd- i-siyaasat ko marHuum kaa Gham kyoN ho
Ghalib jise kehte haiN Urduu hii kaa shaa'ir thaa
Urdu pih sitam Dhaa ke Ghalib pih karam kyoN ho

yih jashn yih hangaame, dil-chasap khilone haiN
kuchh logoN kii koshish hai, kuchh log bahal jaaeN
jo va'dah-i-fardaa par ab Tal nahiiN sakte haiN
mumkin hai ki kuchh 'arsah is jashn pih Tal jaaeN

yih jashn mubaarak ho, par yih bhii sadaaqat hai
ham log haqiiqat ke iHsaas se 'aarii haiN
GaaNdhii ho kih Ghalib ho, insaaf kii nazaroN meN
ham donoN ke qaatil haiN, donoN ke pujaarii haiN

_________________
~~main akela chal pada tha janib e manzil magar
log aate gaye aor kaarwaan banta gaya~~
Back to top Go down
http://henahasan.forumotion.com
 
sahir saab ka kalaam hai urdu par
View previous topic View next topic Back to top 
Page 1 of 1

Permissions in this forum:You cannot reply to topics in this forum
HENAHasan :: General-
Jump to: